Speaker
Description
A miña investigación céntrase na análise de ecuacións en derivadas parciais (EDPs), que poden xurdir de diversas áreas (mecánica de fluidos, mecánica cuántica, xeometría diferencial ou electrodinámica, entre outras). Falarei dalgúns problemas, maioritariamente da mecánica de fluidos, que están a recibir moita atención por parte da comunidade científica e das técnicas que se están a empregar para resolvelos. En concreto, comentaréi algúns avances recentes na formación de singularidades, nos problemas de non unicidade ou no estudo da estabilidade das solucións, así como as técnicas que se están a utilizar con éxito nestes problemas. Tamén comentarei as posibilidades académicas que pode ofrecer o estranxeiro, centrándome no caso do sistema norteamericano (EEUU - Canadá). Darei a miña perspectiva no proceso de admisións a doutoramento ou posdoutoramento, así como recomendacións para mellorar as probabilidades de éxito.
