Co fin de promover e celebrar o Día Mundial da Cuántica, o 14 de Abril, o CESGA xunto co IGFAE-USC organizan unha Clase Maxistral en Computación Cuántica enfocada en crear conciencia sobre o poder transformador desta tecnoloxía disruptiva e promover o interese neste campo.
Os participantes terán a oportunidade de acceder de primeira man ao mundo da computación cuántica e utilizar o Computador Cuántico de Quantum Spain no Barcelona Supercomputing Center. A sesión realizarase en paralelo noutros centros da Rede Española de Supercomputación e, ao final, farase unha posta en común.
Organizamos unha sesión matinal de 10:00 a 14:00 (CEST), aberta a persoas interesadas, composta por:
- Charlas divulgativas de investigadores de diferentes centros explicando os fundamentos e o estado da arte da computación cuántica.
- Unha visita ao centro, incluíndo o computador cuántico QMIO.
- Unha sesión práctica na que se realizará un cálculo sinxelo empregando os ordenadores cuánticos do CESGA e do BSC.
- Unha sesión por videoconferencia para poñer en común o desenvolvemento da práctica cos outros centros que a levarán a cabo simultaneamente.
* O número de asistentes está limitado ao aforo. A inscrición definitiva está suxeta a aprobación que se comunicará o 4 de Abril. Nesta edición darase prioridade a profesorado de secundaria ou FPI.
.png)
